"Dilarəyə əl qaldırmağa həvəsim yoxdur" - Oqtay Əliyev

  • 15:50 03 noyabr 2017
  • Şou
 

Bu dəfə rəhbərlik etdiyi prodakşının işlərindən və yaradıcılıq planlarından danışmadı. Şəxsi həyatı ilə bağlı suallarımızı cavablandırdı. Bu yazını oxuyub biləcəksiniz ki, o necə həyat yoldaşıdır. Xanımına bir dəfə də olsun əl qaldırıb, ya yox?

“SOY” prodakşının rəhbəri Oqtay Əliyevin yenicag.az-a müsahibəsini təqdim edirik.

– Həyat yoldaşınız Dilarənin yaratdığı obrazları bəyənirsiniz?

– Hər bir filmdən sonra evimizdə müzakirələr başlanır. Məsləhətləşirik. Sözsüz ki, hər şey 100 faiz yüksək səviyyədə ola bilməz.

– Dilarə həyat yoldaşı kimi mükəmməldi, yoxsa aktrisa kimi?

 

– Hər iki tərəfdən mükəmməldir.

– Heç indiyə qədər Dilarəyə əl qaldırmısız?

– Yox e, həvəsim yoxdur, əl qaldırmağa. Evə çox yorğun gəldiyim üçün heç kimə əl qaldırmağa həvəsim olmur (gülür).

– Dilarə bir dəfə müsahibəsində demişdi ki, evdə son sözü Oqtay deyir. Düzdür?

– Əlbəttə, son sözü evin kişisi deməlidir. Gözləyirəm, gecə hamı yatandan sonra sözümü deyirəm ki, “vsyo” mən deyən olmalıdır. (gülür)

– Heç hansısa obraza görə ona qadağa qoymusunuz?

– Yox e yox. Uşaq vaxtından teatrda bir yerdə böyümüşük və bilirəm ki, belə qısqanclıqların yeri yoxdur.

– Evdə büdcəyə kim nəzarət edir: Dilarə yoxsa siz?

– Bizdə büdcə eynidir və bank işçilərindən biri də Dilarədir.

– İcazəsiz pul xərcləyəndə cəzadlandırılır?



– O pulu ümumi olaraq hər birimiz xərcləyirik. Kimə pul lazımdırsa, götürüb xərcləyir. Bizdə demokratiyadır.

– Əlinizi masaya çırpıb, “mən deyən olmalıdır”, dediyiniz vaxtlar olur?

– Evdəkilər elə şərait yaratmırlar ki, əlimi masaya çırpım. İşlərini elə qururlar ki, “qışqır-bağıra” imkan qalmır.

– Qızınız ailə qurarkən seçiminə müdaxilə edəcəksiniz?

– Qızım artıq Bakı Dövlət Universitetinin fəlsəfə fakültəsini bitirib, dövlət qulluğunda çalışır. Əlbəttə bunu zaman göstərəcək. Görsəm ki, düzgün qərar qəbul etməyib, sözsüz ki, müdaxilə edəcəm.

– Nə əcəb qızınız da anasının, baba və nənəsinin yolunu davam etdirib, aktrisa olmadı?

– Özü belə istədi və biz də belə arzuladıq ki, ailədə heç olmasa bir nəfər tamaşaçı olsun. Qoy o bizə kənardan tamaşa etsin.

– Tamaşaçı kimi Dilarənin çəkildiyi filmləri, yaxud da sizin işlərinizi bəyənirmi?

 

– Həmişə yox.

– Ən sərt xüsusiyyətiniz hansıdır?

– Yalanı sevmirəm. Məni aldatmağı kiməsə bağışlamıram.

– Dostluqda münasibətə nöqtə qoymağı bacarırsınız?

– Yox, dostluqda bu addımı atmaq çox çətindir. Əgər hansısa adamla 1988-ci ildən bəri dostluq edirəmsə, bu münasibətə necə nöqtə qoya bilərəm? Amma başqa münasibətlərdə çox asanlıqla nöqtə qoyuram.

– Ürəyinizdə özünüzə “əhsən sənə, Oqtay” dediyiniz vaxtlar tez-tez olur?

– Yox, elə olanda adam başını itirə bilər. İnsan özünü həmişə tənqid etməlidir ki, bax, bunu düzgün etmədin.

– Ən çox nəyə pul xərcləyirsiniz?



– Nə bilim vallah. Yadıma sala bilmirəm.
– Bəlkə gözəl qadınlara?

– Yox, qadınlara ayıracaq nə vaxtım var, nə də həvəsim.

– Gənc aktrisalardan biri bizə müsahibəsində demişdi ki, aktrisaların çoxu filmə çəkilmək üçün rejissorlara pul ödəyir.

– Onu rejissorlar bilər. Mən rejissor deyiləm.

– Niyə ki, layihə rəhbərisiniz. “SOY” prodakşının çəkdiyi o qədər filmlər var ki…

– Yox, hələ bizim qapımızı gözəl qadınlar döyməyib.
шаблоны для dle 11.2


Xəbər lenti
13:35
26 fevral
26 il əvvəl -26 fevral
Bütün xəbərlər →