e58.jpg
Kollektiv Təhlükəsizlik Müqaviləsi Təşkilatı (KTMT) Azərbaycan tərəfini təşkilatın baş katibi Nikolay Bordyujanın Ermənistan-Azərbaycan sərhədində silahlı insidentlə bağlı yaydığı bəyanatında işlətdiyi "Dağlıq Qarabağ Respublikası" ifadəsinə əhəmiyyət verməməyə çağırıb.

 

Bu barədə KTMT-nın mətbuat xidmətindən Apa-nın sorğusuna cavab olaraq bildirilib.

“KTMT-nin bəyanatında "de-fakto" mövcud olan "Dağlıq Qarabağ Respublikası" ifadəsinin işlənməsi heç də onun tanınıb-tanınmaması anlamına gəlmir. Burada KTMT-nin təşkilata üzv ölkə olan Ermənistanın ərazisində dekabrın 29-da baş vermiş silahlı insidentlə bağlı böyük narahatlıq keçirdiyi barədə dediklərinə diqqət etmək daha məqsədəuyğundur", - deyə mətbuat xidmətində qeyd ediblər.

KTMT-dən bildiriblər ki, baş katibin bu ifadəni işlətməsi münaqişənin baş verdiyi coğrafi ərazi ilə əlaqədardır: "KTMT münaqişənin sülh yolu ilə həllinə dair ATƏT-in Minsk qrupunun bütün səylərini dəstəkləyir. Sonuncu dəfə KTMT-yə üzv ölkələrin xarici işlər nazirlərinin bu ilin oktyabrında İrəvanda yaydığı birgə bəyanatda da bu, əksini tapıb".

Qeyd edək ki, dekabrın 29-da səhər saatlarında Ermənistan Silahlı Qüvvələrinin kəşfiyyat qrupu Azərbaycan-Ermənistan dövlət sərhədini pozmağa cəhd göstərərkən bölmələrimizin pusqusuna düşüb. Hadisə nəticəsində Silahlı Qüvvələrimizin hərbi qulluqçusu əsgər Qurbanov Çingiz Salman oğlu itkin düşüb. Sonradan məlum olub ki, o, şəhid olub, meyiti düşmən əlindədir.

Ermənistan Müdafiə Nazirliyi isə döyüş toqquşmasında 3 hərbçisinin öldürüldüyünü təsdiqləyib.

N.Bordyujanın hadisə ilə bağlı bəyanatında "Dağlıq Qarabağ Respublikası" ifadəsini işlətməsi Azərbaycan tərəfindən kəskin etiraz qarşılanıb. Azərbaycan Xarici İşlər Nazirliyi bəyanatında N.Bordyujanın dediklərinin qəbuledilməz olduğunu bildirib, yanaşmasını birtərəfli kimi qiymətləndirib.

Publika.az

Bölmənin digər xəbərləri

18 May 2017 DİN əməkdaşı Gürcüstanda bayrağımızı yüksəltdi - FOTO
04 May 2017 “Toy olsun” komediyası oynanılacaq
04 May 2017 İradə Əlili: Ölçülə bilən sevgi yazıq bir sevgidir
04 May 2017 İxtiralarıma artıq xaricdən təkliflər gəlir
01 May 2017 Azərbaycanın hərb tarixi üzrə xüsusi təyinatlı ali təhsil müəssisələri üçün proqram çapdan çıxıb
11 Aprel 2017 Bakıda “Dərbənd” Xeyriyyə İctimai Birliyinin idarə heyətinin geniş iclası keçirilib
26 Mart 2017 QHT əməkdaşları bayram ziyarətində oldular
26 Fevral 2017 "PEŞƏYÖNÜMLÜ TƏHSİLİN İNKİŞAFINA YARDIM" İCTIMAİ BİRLİYİ YARADILDI
30 Dekabr 2016 MTN generalı agentlərin ləqəbini açıqladı - “Bankir”, “Kolumb”...
30 Dekabr 2016 Metronun iş saatı dəyişdi
30 Dekabr 2016 Azərbaycan ordusunda "Açıq qapı" günü
30 Dekabr 2016 Milli Məclis toplanır - İlin son iclası
29 Dekabr 2016 Uorlikdən cəbhədəki bugünkü təxribatla bağlı açıqlama
29 Dekabr 2016 7 hərbçimizin həlak olması yalanı... - Rəsmi
29 Dekabr 2016 Dövlət Komissiyası: İtkin düşmüş hərbçi ilə bağlı araşdırma aparılır
29 Dekabr 2016 Cəbhədə toqquşma: əsgərimiz itkin düşdü
29 Dekabr 2016 Cəbhədə savaş xəbərinə Vaqif Dərgahlıdan cavab - Təcili
29 Dekabr 2016 Sərhəddə döyüş: Ermənistan ordusunun 3 hərbçisi öldürüldü, general yaralandı
29 Dekabr 2016 Bakıda partlayış: nazirlik əməkdaşları yaralandı
28 Dekabr 2016 “Susun, hörmətli deputatlarımız!” - Sabir Rüstəmxanlı
© 2016 www.pressaz.com - Bütün hüquqlar qorunur.

Tel: +99455 557 15 51
Email:pressaz2013@gmail.com


Saytda yerləşdirilmiş hər bir materiala olan hüquqlar Azərbaycan Respublikasının qanunvericiliyinə, həmçinin müəlliflik hüququ qanunlarına əsasən qorunur.
Müəlliflərin mövqeyi redaksiyanın mövqeyi ilə uyğun gəlməyə bilər. Saytdakı materiallardan istifadə zamanı istinad zəruridir.